సొంత చెల్లెలు, పిల్లలకు దక్కాల్సిన ఆస్తులు రాకుండా కంకణం కట్టుకున్నారు.. వైఎస్ షర్మిల

ఏపీ మాజీ సీఎం జగన్, తన చెల్లలు వైఎస్ షర్మిల..వీరిద్దరి మధ్య ఆస్తుల వివాదం ఎప్పటి నుంచో జరుగుతుంది.ఇటీవలే ఆస్తుల వివాదం కారణంగా జగన్ భార్య భారతి కోర్టులో పిటిషన్ వేయడంతో ఈ అంశం రాజకీయంగా మారింది. ఈ నేపథ్యంలో జగన్- షర్మిల మధ్య యుద్ధం నడుస్తోంది. ఇటీవల జగన్ రాసిన లేఖకు వైయస్ షర్మిల ఘాటుగా బదులిచ్చారు. వైఎస్ జగన్ కారణంగా ఆస్తుల పంపకం విషయంలో తనకు జరిగిన అన్యాయాన్ని ఆమె ప్రస్తావించారు. వైయస్ జగన్ మాట తప్పారని మడమ తిప్పారని ఆగ్రహం వ్యక్తం చేశారు. జగన్ నైతికంగా దిగజారారని, తల్లి విజయమ్మపై కేసు పెట్టి పాతాళానికి కూరుకుపోయారని వైఎస్ షర్మిల విమర్శించారు.ఇప్పటికైనా మీరు మీ నాన్నకు ఇచ్చిన మాట నిలబెట్టుకుంటారని, మన మధ్య కుదిరిన ఒప్పందానికి కట్టుబడి ఉంటారని ఆశిస్తున్నాను అని షర్మిల లేఖలో పేర్కొన్నారు. ఆ సమయంలో మీరు ఆదేశాలను ఆమోదించారని షర్మిల పేర్కొన్నారు. ఆయన మరణానంతరం గంగలో మీ నాన్నకు మాట తప్పారని హామీ ఇచ్చారని షర్మిల పేర్కొన్నారు.

ఇప్పటికైనా జగన్ మారకుంటే.. ఎప్పటికీ ఇలాగే ఉండాలంటే.. హక్కులను కాపాడుకునేందుకు న్యాయపరంగా ముందుకు సాగుతానని వైఎస్ షర్మిల స్పష్టం చేశారు. జగన్ కు రాసిన లేఖలో వైఎస్ షర్మిల డియర్ జగనన్న. తండ్రి రాజశేఖర్ రెడ్డి జీవించి ఉన్న కాలంలో సంపాదించిన ఆస్తులన్నీ నలుగురు మనవళ్లు, మనవళ్లకు సమానంగా పంచాలని ఆదేశించారని తెలిపారు.తనకు సాక్షి, భారతి సిమెంట్స్‌లో మెజారిటీ వాటాలు ఉన్నాయని, తన సోదరుడితో వివాదం అక్కర్లేదు కాబట్టి ఆస్తిలో సమాన వాటా పొందే హక్కును వదులుకోవడానికి అంగీకరించానని ఆమె పేర్కొంది. 2019 ఆగస్టు 31న కుదిరిన ఒప్పందాన్ని అమలు చేసే దమ్ము కూడా లేదని.. సొంత చెల్లెలు, పిల్లలకు దక్కాల్సిన ఆస్తులు రాకుండా కంకణం కట్టుకున్నారన్నారు.