రౌడీ పంచాయితీలు మాకు తెలుసు అరెస్టులకు భయపడేది లేదు.. కేసీఆర్

మాజీ ముఖ్యమంత్రి కెసిఆర్ ఆసక్తికర వ్యాఖ్యలు చేశారు. వచ్చే ఎన్నికల్లో కచ్చితంగా బీఆర్‌ఎస్‌ విజయం సాధిస్తుందని అన్నారు. అదే సమయంలో రేవంత్ సర్కార్ కు గట్టి వార్నింగ్ ఇచ్చాడు.శనివారం ఎర్రవెల్లి ఫాంహౌస్‌లో పాలకుర్తి నియోజకవర్గ నాయకులు కేసీఆర్‌తో సమావేశమయ్యారు. ఈ సందర్భంగా కెసిఆర్ మాట్లాడుతూ. రానున్న ఎన్నికల్లో వంద శాతం విజయం మనదే. ప్రజలు మనపై విశ్వాసంతో ఉన్నారు, అందరూ కష్టపడి పని చేయాలి అని అన్నారు. కొత్త ప్రభుత్వం వచ్చి 11 నెలలు పూర్తయింది.. ప్రజలు ఏం కోల్పోయారో వాళ్లకు అర్థమైంది అని అన్నారు. రేవంత్ రెడ్డి ప్రభుత్వం లాగా అది చేస్తాం.. ఇది చేస్తాం అనే పిచ్చి మాటలు మాకు రావా?. కానీ, మా మేనిఫెస్టోలో ఇచ్చిన హామీల్లో 90 శాతానికి మించి అడగకుండానే చేశాం. . ప్రభుత్వం అంటే అందరినీ కాపాడాలి. ప్రజలను కాపాడాల్సింది పోయి.. భయపెడతారా?.ప్రభుత్వంలో ఉన్న వాళ్లు ఎలా మాట్లాడుతున్నారో అందరూ చూస్తున్నారు. కూలగొడతామంటూ పిచ్చిగా మాట్లాడొద్దు. ప్రజలు మీకు సేవ చేసే బాధ్యతను అప్పగించారు. మాకు మాటలు రావనుకుంటున్నారా? ఈరోజు మొదలు పెడితే రేపటిదాకా మాట్లాడతా. రౌడీ పంచాయితీలు మనకు తెలుసు. అరెస్టులకు భయపడేది లేదు’’ అని కాంగ్రెస్ ప్రభుత్వం, సీఎం రేవంత్‌పై కేసీఆర్ మండిపడ్డారు.