అరెస్టులకు భయపడం.. ప్రజా గొంతుకగా ఉంటాం.. సబితా ఇంద్రారెడ్డి ఆసక్తికర వ్యాఖ్యలు..!

మాజీ ఎమ్మెల్యే పట్నం నరేందర్‌రెడ్డిని పోలీసులు అరెస్ట్‌ చేసిన నేపథ్యంలో ఆయన కుటుంబసభ్యులను మాజీ మంత్రి సబితా ఇంద్రారెడ్డి పరామర్శించారు. అనంతరం మీడియాతో మాట్లాడుతూ.. 'వికారాబాద్ జిల్లా లగచర్లలో అధికారులపైన జరిగిన దాడిని ఖండిస్తున్నాం. ఈ దాడి బీఆర్ఎస్ చేయించిందని అంటగట్టే ప్రయత్నం జరుగుతున్నది. నరేందర్ రెడ్డిని అరెస్ట్ చేస్తే బీఆర్ఎస్ సైలెంట్ అవుతుందనుకుంటున్నారని.. కానీ మేం అరెస్టులకు భయపడం.. ప్రజా గొంతుకగా ఉంటాం' అని సబితా అన్నారు.