పోలీస్ శాఖలో క్రమశిక్షణ ఉల్లంఘన సహించం.. తెలంగాణ డీజీపీ జితేంధర్ కీలక వ్యాఖ్యలు..!

పోలీస్ బెటాలియన్స్ లో ఆందోళన చేసిన వారిపై చర్యలకు రంగం సిద్ధం చేసినట్లు తెలంగాణ డీజీపీ జితేంధర్ తెలిపారు. సెలవులపై పాత పద్ధతిని అమలు చేస్తామని చెప్పినప్పటికీ మళ్ళీ ఆందోళనకు దిగడంపై పోలీస్ శాఖ సీరియస్ గా ఉందని తెలిపారు. పోలీస్ శాఖలో క్రమశిక్షణ ఉల్లంఘన సహించమని చెప్పారు. ఆందోళనల వెనక ప్రభుత్వ వ్యతిరేక శక్తులున్నాయనే అనుమానం ఉందని తెలిపారు. ఆందోళన చేసిన వారిపై రెండు చట్టాల ప్రకారం చర్యలకు ఆదేశించామన్నారు.