ట్రాఫిక్‌ను తట్టుకోలేక.. చిరాకుతో వాహనాలను వదిలేసి వెళ్లిపోయిన..!

బెంగళూరులో ట్రాఫిక్ కష్టాలు అంతా ఇంతా కాదు. బుధవారం రాత్రి బెంగళూరు వాహనదారులు మరోసారి ట్రాఫిక్ ఇబ్బందులు ఎదుర్కొన్నారు. భారీ వర్షం కారణంగా నీరు రోడ్లపైకి చేరింది. ఈ క్రమంలో అక్కడి ఎలక్ట్రానిక్‌ సిటీ ఫ్లైఓవర్‌పై భారీగా ట్రాఫిక్‌ జామ్‌ ఏర్పడింది. దాదాపు 3 గంటలకు పైగా ట్రాఫిక్‌లోనే ఉన్నారు. దీంతో విసుగుచెందిన కొందరు వాహనాలను వదిలేసి నడుచుకుంటూ ఇంటికి వెళ్లారు. దీనికి సంబంధించిన వీడియో నెట్టింట వైరల్‌గా మారింది.