సిల్వర్ స్క్రీన్ పైనే కాకుండా ఓటీటీలో కూడా సందడి చేసేందుకు రానా సిద్ధమయ్యాడు. రానా అట్టు హీరోగా సినిమాలు చేస్తూనే.. మరోవైపు వేరే హీరో సినిమాల్లో కూడా మంచి పాత్రలు చేస్తున్నాడు. తాజాగా ఈసారి రానా హోస్టుగా రాబోతున్నాడు. అయితే రానాకి హోస్టుగా చేయడం కొత్తేమీ కాదు.. గతంలో రానా 'నెం.1యారీ' అనే టాక్ షో చేసాడు. దానికి మంచి రెస్పాన్స్ వచ్చింది. అలాగే చాలా అవార్డు ఫంక్షన్స్ కి కూడా రానా హోస్టుగా చేసి అదరకొట్టాడు. అయితే మరోసారి రానా సరికొత్త టాక్ షో త్వరలో మన ముందుకు రాబోతున్నాడు. ఇది ప్రముఖ ఓటిటి ప్లాట్‌ఫారమ్ అమెజాన్ ప్రైమ్‌లో స్ట్రీమింగ్ కాబోతుంది. ఈ ప్రోగ్రామ్‌కు సంబంధించిన వివరాలను ఓటీటీ సంస్థ తాజాగా వెల్లడించింది. 'ది రానా దగ్గుబాటి షో' పేరుతో నవంబర్ 23 నుండి ప్రసారం కానుంది అని ప్రకటించింది.
