గుర్తుపట్టలేనంతగా మారిపోయిన 'హార్ట్ ఎటాక్' హీరోయిన్

'హార్ట్ ఎటాక్' సినిమాతో టాలీవుడ్ ఇండస్ట్రీకి పరిచయమైన హీరోయిన్ అదా శర్మ. ఆ తర్వాత అల్లు అర్జున్ 's/o సత్యమూర్తి' సినిమాలో చిన పాత్రా చేసింది. గతేడాది ‘ది కేరళ స్టోరీ’ సినిమాతో సంచలనం సృష్టించి అందరి దృష్టిని తనవైపు తిప్పుకుంది. ప్రస్తుతం ఈ నటి నటించిన 'రీటా సన్యాల్' వెబ్ సిరీస్ హాట్‌స్టార్‌లో ప్రసారం అవుతోంది. ఇదిలా ఉంటే.. తాజాగా అదా శర్మ తన సోషల్ మీడియాలో ఓ షాకింగ్ ఫోటో షేర్ చేసి అందరినీ ఆశ్చర్యపరిచింది. ఇందులో, అదా శర్మ, బామ్మ గెటప్ ధరించి, రీటా సన్యాల్ యొక్క వెబ్ సిరీస్ బృందంతో అనేక స్టిల్స్ ఇచ్చింది. అంతేకాకుండా ‘‘ఎవరో గుర్తుపట్టండి. తప్పు సమాధానం చెబితే హెలికాఫ్టర్(helicopter) గిఫ్ట్‌గా ఇస్తాను. మా కొత్త ఎపిసోడ్‌లు వస్తున్నాయి. వచ్చి చూసి ఆనందించండి. అవి వస్తూనే ఉంటాయి” అని క్యాప్షన్ జోడించారు. ప్రజెంట్ అదా శర్మ ఫోటోలు చూసిన వాళ్లంతా గుర్తుపట్టలేనంతగా మారిపోయారని అంటున్నారు.