దళపతి విజయ్ చివరి సినిమాలో ఆ సూపర్ స్టార్..! ఎవరో తెలుసా..?

తమిళ చిత్ర పరిశ్రమలో అగ్రనటుడు దళపతి విజయ్. గత ఫిబ్రవరిలో విజయ్ 'తమిళగ వెట్రి కజగం' అనే పార్టీని ప్రారంభించారు. అయితే పార్టీని ప్రారంభించిన విజయ్.. తాను ఇప్పటికే అంగీకరించిన సినిమాల తర్వాత నటనకు పూర్తిగా స్వస్తి చెప్పినట్లు ప్రకటించాడు. ప్రస్తుతం ఆయన చివరి సినిమాకి ప్రముఖ దర్శకుడు హెచ్.వినోద్ దర్శకత్వం వహిస్తున్నారు.పొలిటికల్ థ్రిల్లర్ గా తెరకెక్కుతున్న 'దళపతి 69' అనే వర్కింగ్ టైటిల్‌తో తెరకెక్కతున్న ఈ సినిమాలో బాబీ డియోల్, ప్రకాష్‌రాజ్ మరియు గౌతమ్ మీనన్ కీలక పాత్రల్లో నటిస్తున్నారు. ప్రస్తుతం ఈ సినిమా షూటింగ్ శరవేగంగా జరుగుతుంది.
తాజాగా ఈ సినిమాలో ప్రముఖ కన్నడ నటుడు శివరాజ్‌కుమార్‌ నటించనున్నట్లు తెలుస్తుంది. శివరాజ్‌కుమార్ కన్నడ చిత్ర పరిశ్రమలో సూపర్ స్టార్. గత సంవత్సరం విడుదలైన సూపర్ స్టార్ రజనీకాంత్ 'జైలర్' సినిమాలో కూడా శివరాజ్‌కుమార్ ప్రధాన పాత్రలో నటించారు. ఈ సినిమాలో ఆయన నటనకు భారీ ఆదరణ లభించింది. ఈ నేపధ్యంలో ఆయన విజయ్ సినిమాలో నటిస్తుండటం అభిమానుల్లో ఆనందాన్ని నింపింది.
ఈ సినిమాని ప్రముఖ కన్నడ నిర్మాణ సంస్థ కెవిఎన్ నిర్మిస్తుంది. ఈ సినిమాకి అనిరుధ్ సంగీతం సమకూరుస్తున్నారు. విజయ్ నటించిన ఈ సినిమా వచ్చే ఏడాది దీపావళి పార్టీగా ప్రేక్షకుల ముందుకు రానుంది. ఇది విజయ్ చివరి సినిమా కావడం, అసెంబ్లీ ఎన్నికలకు ముందు వస్తున్న సినిమా కావడంతో ఈ సినిమాపై భారీ అంచనాలు నెలకొన్నాయి.