రేవంత్ రెడ్డి జాగ్రత.. రేపు ముందుంది సినిమా.. హరీశ్ రావు కీలక వ్యాఖ్యలు

కోరుట్ల నుంచి జగిత్యాల వరకు కోరుట్ల బీఆర్ ఎస్ ఎమ్మెల్యే డాక్టర్ సంజయ్ కుమార్ ముగింపు సభలో పాల్గొన్న హరీశ్ రావు పాల్గొన్నారు. ఈ సందర్భంగా అయన మాట్లాడుతూ.. కాంగ్రెస్ ప్రభుత్వానికి మాటలెక్కువ,పని తక్కువ అని పేర్కొన్నారు. ఎన్నికల సమయంలో కూడా రైతుల విషయంలో రాజకీయాలు చేశారని, రైతుబంధు విషయంలో ఎన్నికల కమిషన్‌కు ఫిర్యాదు చేశారన్నారు. ఈ ప్రభుత్వం వచ్చాక ఒక్క విడత రైతు బంధు కూడా పడలేదు అని అన్నారు. రైతుబంధు, రుణమాఫీకి డబ్బులు లేవు గాని మూసీకి లక్షా యాభై వేల కోట్లు ఖర్చు చేస్తానని రేవంత్ రెడ్డి అన్నారు. 24 గంటల కరెంట్ ఇచ్చిన ఘనత కేసీఆర్ కే దక్కుతుందన్నారు. ఇవాళ మా డాక్టర్ సంజయ్ పాదయాత్ర ట్రైలర్ మాత్రమే అని..రేవంత్ రెడ్డి జాగ్రత.. రేపు ముందు వుంది 70mm సినిమా అని హరీష్ రావు అన్నారు. ⁠ఇప్పటికైనా నువ్వు, మీ మంత్రులు గాలిమోటర్లలో తిరుగుడు బంద్ చేసి కల్లాలు తిరగండి అని హరీష్ రావు తెలిపారు. కోరుట్ల ఎమ్మెల్యే డాక్టర్ సంజయ్ స్పైన్ సర్జన్ స్పెషలిస్ట్ అని పేర్కొన్నారు. దేశానికి వెన్నుముక రైతులు.. ఈ రోజు ఆ రైతులకు కష్టం వస్తే, ఈ వెన్నుముక డాక్టర్ సంజయ్ 25 కిలోమీటర్లు పాదయాత్ర చేసి రైతులకు తాను అండగా ఉంటాడు అని హరీష్ రావు తెలిపారు.