ఏపీపీఎస్సీ చైర్‌పర్సన్‌గా రిటైర్డ్ ఐపీఎస్ అధికారిణి అనురాధ నియమికం

ఏపీపీఎస్సీ చైర్‌పర్సన్‌గా రిటైర్డ్ ఐపీఎస్ అధికారిణి అనురాధను ఏపీ ప్రభుత్వం నియమించింది. ఈ మేరకు రాష్ట్ర ప్రభుత్వ ప్రధాన కార్యదర్శి నిరభ్‌కుమార్‌ ప్రసాద్‌ ఉత్తర్వులు జారీ చేశారు. అనురాధ గతంలో ఇంటెలిజెన్స్ చీఫ్‌గా, హోం సెక్రటరీగా పనిచేశారు. గత వైసీపీ ప్రభుత్వం గౌతం సవాంగ్‌ను ఏపీపీఎస్సీ చైర్మన్‌గా నియమించింది. గత అసెంబ్లీ ఎన్నికల్లో సంకీర్ణ ప్రభుత్వం ఏర్పడిన తర్వాత సవాంగ్ తన చైర్మన్ పదవికి రాజీనామా చేశారు. ఆయన రాజీనామా తర్వాత ఈ పదవి ఖాళీగా ఉంది. తాజాగా ఏపీపీఎస్సీ చైర్‌పర్సన్‌గా అనురాధను నియమిస్తూ ప్రభుత్వం ఉత్తర్వులు జారీ చేసింది.