రైతుల కోసం ఒకటి, రెండేళ్లు జైల్లో ఉండేందుకు సిద్ధం.. కేటీఆర్‌

నేను రైతుల కోసం జైలుకు వెళ్లడానికైనా సిద్ధమని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. ఆదిలాబాద్ జిల్లా రాంలీలా మైదానంలో నిర్వహించిన రైతుల ధర్నాలో కేటీఆర్ పాల్గొని ప్రసంగించారు. కాంగ్రెస్ హయాంలో పోలీసుల సతీమణులు ధర్నాలు చేసే పరిస్థితి నెలకొందన్నారు. ప్రజలు, రైతుల కోసం ఒకటి, రెండేళ్లు జైల్లో ఉండేందుకు సిద్ధం. ఎవరికీ భయపడాల్సిన పని లేదని తేల్చిచెప్పారు. అసలు చీటింగ్ కేసులు ఎవరిపై పెట్టాలి.. బంగారం ఇస్తానని చెప్పి మోసం చేసిన ఈ చార్ సౌబీలపై కేసులు పెట్టాలి. రైతుబంధు మాఫీ చేయనందుకు రైతులు కేసులు పెట్టాలని…అన్ని వర్గాల పోలీస్ స్టేషన్ల ముందు బారులు తీరి చీటింగ్ కేసులు పెడితే ఈ రాష్ట్రంలో ఒక్క కాంగ్రెస్ నేత కూడా మిగలరని కేటీఆర్ అన్నారు.