కేటీఆర్‌ బావమరిది ఫామ్‌హౌస్‌లో రేవ్‌ పార్టీ.. స్పందించిన ప్రముఖులు.. ఏమన్నారంటే..?

కేటీఆర్ బావమరిది రాజ్ పాకాల ఫామ్‌హౌస్‌ డ్రగ్స్ పార్టీ వ్యవహారంపై బీజేపీ ఎంపీ రఘునందన్ రావు స్పందించారు. డ్రగ్స్ పార్టీ వ్యవహారంపై సిట్ వేయాలని రాష్ట్ర ప్రభుత్వాన్ని కోరారు. రాజ్ పాకాల ఫామ్ హౌస్‌కు సంబంధించిన సీసీటీవీ ఫుటేజ్‌ను పోలీసులు బయటపెట్టాలని డిమాండ్ చేశారు. డ్రగ్స్ పార్టీలో పాల్గొన్న వారిని కఠినంగా శిక్షించాలన్నారు.

కేటీఆర్ నోరువిప్పాలి: బండి సంజయ్
కేటీఆర్‌ బావమరిది ఫామ్‌హౌస్‌లోనే రేవ్‌ పార్టీలా అని కేంద్ర మంత్రి బండి సంజయ్‌ ప్రశ్నించారు. ‘‘రాజ్‌ ఫామ్‌హౌస్‌లో డ్రగ్స్‌పై కేటీఆర్‌ ఇప్పుడేమంటారో. డ్రగ్స్‌ తీసుకుంటూ దొరికినా బుకాయిస్తాడేమో? కాంగ్రెస్‌కు చిత్తశుద్ధి ఉంటే సమగ్ర విచారణ జరపాలి. సీసీ ఫుటేజ్‌ సహా ఆధారాలు ధ్వంసం కాకుండా చూడాలి. రేవ్‌పార్టీలో ఉన్న వాళ్లందరినీ అరెస్టు చేయాలి’’అని బండి సంజయ్‌ డిమాండ్‌ చేశారు.