'పుష్ప 2' మూవీపై రష్మిక మందన్న కామెంట్స్ వైరల్.. సెకండాఫ్ అలా ఉందంటూ..!

ఐకాన్ స్టార్ అల్లు అర్జున్ హీరోగా సుకుమార్ దర్శకత్వం వహించిన సినిమా ‘పుష్ప 2: ది రూల్’. ఈ సినిమాలో రష్మిక హీరోయినిగా నటించింది. ప్రస్తుతం ఈ సినిమాపై రష్మిక చేసిన కామెంట్స్ వైరల్ అవుతున్నాయి. తాజాగా ఈ సినిమాకు రష్మిక డబ్బింగ్ చెప్పడం మొదలుపెట్టింది. డబ్బింగ్ స్టూడియోలో ఓ ఫోటో షేర్ చేస్తూ.. 'పుష్ప ది రూల్' సినిమా ఫస్ట్ హాఫ్ అద్భుతంగా ఉందని, సెకండాఫ్ అంతకు మించి ఉంటుందని రష్మిక పేర్కొంది. ఈ సినిమా షూటింగ్ దాదాపు కంప్లీట్ అయిందని చెప్పింది. నేను మాటల్లో చెప్పలేకపోతున్నానని మైండ్ బ్లోయింగ్ ఎక్స్ పీరియన్స్ ని ప్రేక్షకులు తప్పకుండా పొందబోతున్నారని అన్నారు. ఈ సినిమా డిసెంబర్ 5న పాన్ ఇండియా లెవల్ లో రిలీజ్ కానుంది. ఈ సినిమాని భారీ బడ్జెట్ తో మైత్రి మూవీ మేకర్స్ నిర్మించారు.