ఎడారిలో రాజమౌళి.. ‘SSMB29’ మూవీ అదిరిపోయే అప్డేట్

సూపర్ స్టార్ మహేష్ బాబు హీరోగా రాజమౌళి దర్శకత్వంలో ‘SSMB29’ అనే పాన్ ఇండియా సినిమా తీస్తున్నారు. ఈ సినిమాని దాదాపు 1000 కోట్ల భారీ బడ్జెట్ తో తీస్తున్నారు. ఈ సినిమా యాక్షన్- అడ్వెంచర్ డ్రామాగా తెరకెక్కుతోంది. ఈ సినిమా కథ అమెజాన్ అడవుల నేపథ్యంలో తెరకెక్కనుంది. తాజాగా ఈ సినిమాకు సంబంధించి రాజమౌళి అదిరిపోయే అప్డేట్ ఇచ్చాడు.
తాజాగా రాజమౌళి షేర్ చేసిన ఓ ఫోటో వైరల్‌గా మారింది. రాజమౌళి తాను ఎడారిలో తిరుగుతున్న ఫోటోను షేర్ చేసి, 'కనుగొనడం కోసం తిరుగుతున్నా' అని దానికి క్యాప్షన్‌ పెట్టారు. మహేష్ సినిమా కోసం లొకేషన్లు వెతుకుతున్నట్లు తెలుస్తోంది. అయితే ఈ భారీ బడ్జెట్ సినిమా కోసం రాజమౌళి ఏఐ టెక్నాలజీని ఉపయోగించనున్నాడని వార్తలు వస్తున్నాయి. ఇందుకోసం ప్రత్యేక శిక్షణ తీసుకుంటున్నట్లు సమాచారం. సినిమాలోని కొన్ని పాత్రలు, జంతువులకు ఏఐ టెక్నాలజీని ఉపయోగించనున్నారు. సాధార ణంగా రాజమౌళి సినిమాల్లో గ్రాఫిక్స్ భారీగా ఉంటాయి. ఈ సినిమాలో పలువురు విదేశీ నటీనటులు కనిపించనున్నారు అని టాక్ వినిపిస్తుంది. ఈ సినిమాని దుర్గా ఆర్ట్స్‌పై కెఎల్ నారాయణ ఈ చిత్రాన్ని నిర్మిస్తున్నారు.