బాలకృష్ణతో మరోసారి సందడి చేయనున్న పుష్ప రాజ్

నందమూరి బాలకృష్ణ హోస్ట్ చేస్తున్న ‘అన్‌స్టాపబుల్ సీజన్ 4’. ఈ టాక్ షో తెలుగు ఓటిటి ‘ఆహా’లో స్ట్రీమింగ్ కానుంది. బాలకృష్ణ తన హోస్టింగ్‌తో ప్రేక్షకులను ఆకట్టుకుంటున్నాడు. ఇప్పటికే ఈ సీజన్లో రెండు ఎపిసోడ్స్ స్ట్రీమ్ కాగా.. మూడో ఎపిసోడ్ కూడా శుక్రవారం నుంచి ప్రసారం కానుంది.ఈ ఎపిసోడ్ లో కోలీవుడ్ స్టార్ హీరో సూర్య ప్రమోషన్స్ లో భాగంగా సందడి చేశాడు. ఇదిలావుంటే.. నాలుగో ఎపిసోడ్ పై ఆహా టీమ్ సర్ ప్రైజ్ ఇచ్చింది. నాలుగో ఎపిసోడ్‌కి ఐకాన్ స్టార్ అల్లు అర్జున్ వస్తున్నట్లు అధికారికంగా ప్రకటించారు. 'పుష్ప 2' సినిమా ప్రమోషన్స్‌లో భాగంగా అల్లు అర్జున్ మరోసారి అన్‌స్టాపబుల్ షోకి వచ్చి సందడి చేయనున్నాడు. ఇప్పటికే ఈ ఎపిసోడ్ సంబందించిన షూటింగ్ పూర్తయింది.ఈ ఎపిసోడ్ ప్రోమో త్వరలో విడుదల కానుంది. అంతేకాదు ఈ షోలో బాలకృష్ణ బన్నీతో ఎలాంటి ప్రశ్నలు అడుగుతారో చూడాలి. అల్లు అర్జున్, బాలయ్యలను ఒకే వేదికపై చూసేందుకు అభిమానులు ఎంతో ఆసక్తిగా ఎదురుచూస్తున్నారు.