‘కన్నప్ప’ నుంచి ప్రభాస్ లుక్ లీక్.. ప్రేక్షకులకు మూవీ టీమ్‌ కీలక విజ్ఞప్తి..!

మంచు విష్ణు హీరోగా తెరకెక్కుతున్న ‘కన్నప్ప’లో రెబల్ స్టార్ ప్రభాస్ నంది పాత్రలో కనిపించబోతున్నారు. అయితే ఇప్పటివరకు ప్రభాస్‌కు సంబంధించి ఎలాంటి అప్డేట్‌ను మేకర్స్ ప్రకటించలేదు. రీసెంట్‌గా రిలీజ్ అయిన టీజర్‌లో కూడా కేవలం ప్రభాస్ కళ్ళను మాత్రమే చూపించారు. కానీ, తాజాగా కన్నప్పలో ప్రభాస్ ఫస్ట్ లుక్ ఒకటి లీక్ అయింది. ప్రస్తుతం ప్రభాస్ ఫోటో నెట్టింట వైరల్‌గా మారింది.

ప్రేక్షకులకు ‘కన్నప్ప’ టీమ్‌ విజ్ఞప్తి
ప్రభాస్ లుక్ లీక్ పై కన్నప్ప టీమ్‌ స్పందించింది. కన్నప్ప మూవీ నుంచి లీకైన ప్రభాస్ ఫొటోను షేర్‌ చేయొద్దని విజ్ఞప్తి చేసింది. ప్రభాస్‌ లుక్‌ ఫొటో లీక్‌ చేసిన వారిని కనుగొంటే రూ.5లక్షలు బహుమానం ఇస్తామని వెల్లడించింది.

అయితే కొందరు సినీ విశ్లేషకులు ఈ లీక్డ్ డ్రామా అంత ప్రమోషన్ లో భాగమని, కావాలనే మూవీ టీం ఈ ఫోటో లీక్ చేసిందని అభిప్రాయ పడుతున్నారు.