ఎన్టీఆర్‌తో జత కట్టనున్న ప్రముఖ కన్నడ నటి..?

'దేవర' సినిమా విజయంతో జూనియర్ ఎన్టీఆర్ మంచి జోష్ లో ఉన్నారు. ప్రస్తుతం ఎన్టీఆర్ 'వార్ 2' సినిమా షూటింగ్ లో బిజీగా ఉన్నాడు. దీని తర్వాత ఎన్టీఆర్ ప్రశాంత్ నీల్ దర్శకత్వంలో సినిమాలో నటించబోతున్నాడు. 350 కోట్ల బడ్జెట్‌తో తెరకెక్కుతున్న ఈ సినిమాని మైత్రి మూవీ మేకర్స్, ఎన్టీఆర్ ఆర్ట్స్ సంయుక్తంగా నిర్మిస్తున్నాయి. అయితే తాజాగా ఈ సినిమా గురించి ఒక వార్త సోషల్ మీడియాలో వైరల్ అవుతుంది. ఈ సినిమాలో ఎన్టీఆర్ సరసన ప్రముఖ కన్నడ నటి రుక్మిణి వసంత్ నటించబోతున్నట్లు వార్తలు వస్తున్నాయి. అయితే ఇంకా ఈ విషయాన్ని చిత్ర బృందం అధికారికంగా ధ్రువీకరించలేదు.