ఒకవైపు కమల్ హాసన్ పుట్టినరోజు సంబరాలు.. మరోవైపు ఆయన ఇంటి వద్ద ముస్లింలు ధర్నా

ఈరోజు హీరో కమల్ హాసన్ పుట్టినరోజు సందర్భంగా దేశవ్యాప్తంగా ఆయన అభిమానులు సంబరాలు చేసుకుంటున్నారు. అయితే మరోవైపు మాత్రం ఆయన ఇంటి వద్ద ఉద్రిక్తత నెలకొంది. చెన్నైలోని కమల్ హాసన్ ఇంటి ముందు ముస్లింలు ధర్నాకు దిగారు.
దీంతో కమల్ హాసన్ ఇంటి వద్ద ఉద్రిక్త వాతావరణం నెలకొంది.
తమిళ హీరో శివకార్తికేయన్, సాయి పల్లవి కలిసి నటించిన సినిమా ‘అమరన్’. రాజ్‌కుమార్ పెరియసామి దర్శకత్వం వహించిన ఈ సినిమా దీపావళి కానుకగా అక్టోబర్ 31న విడుదలై మంచి విజయం సాధించింది. ఈ సినిమాని కమల్ హాసన్ నిర్మించారు. అయితే ఈ సినిమాలో ముస్లింలను ఉగ్రవాదులుగా చూపించారని నిరసనకారులు ఆరోపిస్తున్నారు. అలాగే సినిమాలోని కొన్ని అభ్యంతరకర సన్నివేశాలను తొలగించాలని నిరసన తెలుపుతున్న వారు డిమాండ్ చేస్తున్నారు. అలాగే కమల్ హాసన్ ఇంటి ముందు ఆయన దిష్టిబొమ్మను దహనం చేశారు. ఆందోళనకారులను పోలీసులు అరెస్టు చేశారు.