'వార్ 2' మూవీ నుండి ఎన్టీఆర్ లుక్స్ లీక్.. మాస్ రాంపేజ్ అంటున్న ఫ్యాన్స్

జూనియర్ ఎన్టీఆర్ హీరోగా నటించిన సినిమా 'దేవర'. ఇటీవలే ఈ సినిమా విడుదలై ఘన విజయం సాధించింది. అయితే ప్రస్తుతం జూనియర్ ఎన్టీఆర్ బాలీవుడ్‌లో 'వార్ 2' అనే సినిమా చేస్తున్నాడు. ఈ సినిమాలో హృతిక్ రోషన్ హీరోగా ఎన్టీఆర్ ప్రధాన పాత్రలో కనిపించనున్నారు. ఈ సినిమాలో గూఢచారి పాత్రలో ఎన్టీఆర్ నటిస్తున్నాడు అని టాక్ వినిపిస్తుంది. తాజాగా వార్-2 షూటింగ్ సెట్స్ నుంచి తారక్ లుక్ లీక్ అయి అభిమానులను ఆశ్చర్యానికి గురి చేసింది. అయితే లీకైన ఫోటోలలో, తారక్ బ్రౌన్ టీ-షర్ట్ మరియు ఆర్మీ స్టైల్ జాకెట్‌లో ఉన్నాడు. ప్రస్తుతం తారక్ లీక్ ఫోటోలు సోషల్ మీడియాలో వైరల్ అవుతున్నాయి. యష్ రాజ్ ఫిల్మ్స్ నిర్మిస్తున్న ఈ సినిమా ఆగస్ట్ 14, 2025న విడుదల కానుంది.