తెలంగాణలో పలువురు డీఎస్పీ అధికారులు బదిలీలు.. ఆదేశాలు జారీ
తెలంగాణ రాష్ట్రంలో పలువురు డీఎస్పీ అధికారులు బదిలీ అయ్యారు. ఈ మేరకు ఇవాళ(గురువారం) డీజీపీ ఉత్తర్వులు జారీ చేశారు. అధికారి ఎస్‌ఆర్‌ దామోదర్‌ రెడ్డి అంబర్‌పేట డీఎస్పీగా, పీటీసీగా బదిలీ అయ్యారు. ప్రస్తుతం జగిత్యాల డీఎస్పీ, డీసీఆర్‌బీగా పనిచేస్తున్న జి.మహేష్‌బాబు కరీంనగర్ డీఎస్పీగా, పీటీసీగా బదిలీ అయ్యారు. కరీంనగర్ డీఎస్పీ, పీటీసీగా ఉన్న బి.రామానుజం కాగజ్ నగర్ ఎస్డీపీఓగా బదిలీ అయ్యారు. కాగజ్‌నగర్‌ ఎస్‌డిపిఒగా ఉన్న ఎ.కరుణాకర్‌ ఆసిఫాబాద్‌ ఎస్‌డిపిఒగా బదిలీ అయ్యారు.అసిఫాబాద్ ఎస్‌డీపీవోగా ఉన్న పీ.సదయ్యను బదిలీపై హైదరాబాద్‌లోని చీఫ్ ఆఫీస్‌లో రిపోర్ట్ చేయాలని డీజీపీ కోరారు. ప్రస్తుతం వనపర్తి డీసీఆర్‌బీ డీఎస్పీగా ఉన్న కె.కృష్ణ కిషోర్ తొర్రూరు (మహబూబాబాద్) ఎస్డీపీఓగా బదిలీ అయ్యారు. తొర్రూరు ఎస్‌డిపిఓగా ఉన్న వి సురేష్‌ను హైదరాబాద్‌లోని ప్రధాన కార్యాలయంలో రిపోర్టు చేయాలని ఆదేశించారు. నిర్మల్ డీఎస్పీ, డీసీఆర్‌బీగా ఉన్న పి.రవీందర్‌రెడ్డిని ఖమ్మం ఏసీపీ, సీసీఆర్‌బీగా బదిలీ చేశారు. ఖమ్మం ఏసీపీ, సీసీఆర్‌బీ డి.ప్రసన్నకుమార్‌ మెదక్‌ ఎస్డీపీఓగా బదిలీ అయ్యారు. ఈ మేరకు సంబంధిత అధికారులకు డీజీపీ ఆదేశాలు జారీ చేశారు. కొత్త పోస్టింగ్ స్థలాలను వెంటనే నివేదించాలని స్పష్టం చేశారు.
