శ్రీరాముడిగా మహేష్ బాబు..! రాజమౌళి ఏం ప్లాన్ చేస్తున్నాడు..?

సూపర్ స్టార్ మహేష్ బాబు హీరోగా దర్శకధీరుడు రాజమౌళి దర్శకత్వంలో ‘SSMB29’ అనే పాన్ ఇండియా సినిమా తీస్తున్నారు. ఈ సినిమాని దాదాపు 1000 కోట్ల భారీ బడ్జెట్ తో తీస్తున్నారు. ఈ సినిమా యాక్షన్- అడ్వెంచర్ డ్రామాగా తెరకెక్కుతోంది. ఈ సినిమా కథ అమెజాన్ అడవుల నేపథ్యంలో తెరకెక్కనుంది. ప్రస్తుతం రాజమౌళి ఈ సినిమా ప్రీ-ప్రొడక్షన్ పనుల్లో నిమగ్నమై ఉన్నారు. తాజాగా ఈ సినిమాకు సంబంధించి ఒక వార్త వైరల్ అవుతుంది. ఈ సినిమాలో మహేష్ బాబు శ్రీరాముడిగా కనిపించబోతున్నాడనే సినీ వర్గాల్లో టాక్ వినిపిస్తోంది. ఈ సినిమా కథకు, రామాయణానికి పరోక్షంగా లింకు ఉందని తెలుస్తుంది. సినిమాలోని ఒక సీన్ లో మహేష్ రాముడి అవతారంలో కనిపించబోతున్నాడని.. ఆ సన్నివేశాల సంబంధించిన షూటింగ్ అంత వారణాసిలో జరగనుందని తెలుస్తోంది. అయితే ఈ వార్తతో మహేష్ బాబును శ్రీరాముడిగా ఎప్పుడు ఎప్పుడు చూడాలని ఆయన అభిమానులు ఆసక్తిగా ఎదురుచూస్తున్నారు.