చివరి రోజు తారుమారైన బిగ్బాస్ ఓటింగ్.. ఈ వారం ఎలిమినేట్ అయ్యేది ఎవరంటే?
బిగ్బాస్ తెలుగు సీజన్ 8 హోరా హోరీగా సాగుతుంది. ఇప్పటికే తొమ్మిది వారాలు పూర్తి చేసుకున్న ఈ షో పదో వారంలోకి అడుగుపెట్టింది. ఈ వారం నామినేషన్స్ ఏడుగురు పోటీదారులు ఉన్నారు. వారిలో నిఖిల్, పృథ్వీ, యష్మీ, ప్రేరణ, విష్ణుప్రియ, హరితేజ, గౌతమ్ నామినేషన్స్‌లో ఉన్నారు. అయితే ఈ వారం ఓటింగ్ లెక్కలు అని తారుమారు అయ్యాయి.
ఈ వారంలో గౌతమ్ తన ఆటతో కన్నడ బ్యాచ్ కి నిద్రపోకుండా చేస్తున్నాడు. ఓటింగ్ జరిగిన పదో వారంలో నంబర్ వన్ స్థానానికి గౌతమ్ వెళ్ళాడు. మొదటి నుంచీ తన ఆటతో అందరినీ ఆకట్టుకుంటూ ఓటింగ్‌లో విజయం సాధిస్తున్నాడు. ప్రస్తుతం గౌతమ్ తర్వాత నిఖిల్ రెండో స్థానంలో ఉన్నాడు. మొన్నటివరుకు చివరి రెండు స్థానాల్లో విష్ణు ప్రియ, హరితేజ నిలిచారు. కానీ, ఇప్పుడు ఆఖరి రోజు రావడంతో ప్రేక్షకుల ఓటింగ్‌తో కంటెస్టెంట్ల స్థానాలు పూర్తిగా మారిపోయాయి. ఇప్పుడు ఓటింగ్ వివరాలు ప్రకారం..అందరి స్థానాలు మారిపోయాయి. యష్మీ, హరితేజ ఈ వారం డేంజర్ జోన్‌లో ఉన్నారు. ప్రేరణ మూడో స్థానంలో, పృథ్వీ నాలుగో స్థానంలో, యాంకర్ విష్ణుప్రియ ఐదో స్థానంలో, యష్మీ ఆరో స్థానంలో, హరితేజ ఏడో స్థానంలో నిలిచారు. అయితే చివరికి వైల్డ్ కార్డ్ ద్వారా ఎంట్రీ ఇచ్చిన హరితేజ ఈ వారం ఎలిమినేట్ కానుంది అని తెలుస్తుంది. అయితే ఎగ్ టాస్క్‌లో నెగ్గిన నబీల్‌కు ఉచిత ఎవిక్షన్ పాస్ లభించింది. ఈ పాస్ ద్వారా అతను సీజన్ 8 ఎలిమినేషన్ నుండి సేవ్ అవ్వొచ్చు.. అంటే ఈ మొత్తం సీజన్‌లో నబీల్ నామినేషన్లలోకి రాడు.