‘క' మూవీ 10 డేస్ కలెక్షన్స్.. బాక్సాఫీస్ వద్ద రికార్డులు బద్దలు కొడుతున్న కిరణ్ అబ్బవరం

కిరణ్ అబ్బవరం హీరోగా నటించిన సినిమా ‘క’. ఈ సినిమాకి సుజీత్- సందీప్ దర్శకత్వం వహించారు. ఈ సినిమాలో నయన్‌ సారిక హీరోయినిగా నటించింది. దీపావళి పండుగ కానుకగా అక్టోబర్ 31న విడుదలైన ఈ సినిమా ఘన విజయం సాధించింది. మూడు సినిమాలతో పోటీగా తక్కువ థియేటర్లు వచ్చిన ఈ సినిమా బాక్సాఫీస్ వద్ద మంచి కలెక్షన్స్ రాబట్టింది. ఈ సినిమాకి పది రోజుల్లో సాలిడ్ కలెక్షన్స్ వచ్చాయి. అయితే ఈ సినిమా రూ.4.15 కోట్ల థియేట్రికల్ బిజినెస్ చేసింది.ఈ సినిమా బ్రేక్ ఈవెన్ కావాలంటే రూ.4.5 కోట్ల వరకు షేర్ ను రాబట్టాలి. కేవలం రెండు రోజులకే బ్రేక్ ఈవెన్ పూర్తిచేసుకున్న ఈ సినిమా పది రోజులకు గాను 42.18 కోట్లు గ్రాస్ వసూలు చేసినట్లు చిత్ర బృందం ప్రకటించింది. ఈ సినిమా త్వరలోనే 50 కోట్లను ఈజీగా దాటేస్తుందని అంచనా వేస్తున్నారు. అయితే ప్రస్తుతం ఈ సినిమాతో కిరణ్ అబ్బవరం బాక్సాఫీస్ వద్ద రికార్డులు బద్దలు కొడుతున్నడు.