IND vs SA: నేటి నుండి సౌతాఫ్రికాతో టీ20 సిరీస్.. భారీ రికార్డులపై కన్నేసిన సూర్యకుమార్‌..!

టీమిండియా – దక్షిణాఫ్రికా జట్ల మధ్య నాలుగు మ్యాచ్‌ల టీ20 సిరీస్ నేటి నుంచి ప్రారంభం కానుంది. తొలి టీ20 డర్బన్ వేదికగా రాత్రి 8:30 గంటలకు మొదలవుతుంది. ఇక, ఇరు జట్లు 27 సార్లు టీ20ల్లో తలపడగా భారత్ 15, సఫారీలు 11సార్లు విజయం సాధించాయి. ఒక మ్యాచ్‌లో ఫలితం తేలలేదు.

ఈ సిరీస్‌లో సూర్యకుమార్‌ యాదవ్‌ మరో ఆరు సిక్సర్లు కొడితే టీ20ల్లో అత్యంత వేగంగా 150 సిక్సర్ల మార్కును తాకిన ఆటగాడిగా రికార్డు నెలకొల్పుతాడు. అలాగే అంతర్జాతీయ టీ20ల్లో ఇప్పటివరకు నాలుగు శతకాలు బాదిన సూర్యకుమార్‌, దక్షిణాఫ్రికాతో రేపటి నుంచి ప్రారంభం కాబోయే సిరీస్‌లో మరో రెండు శతకాలు బాదితే అంతర్జాతీయ టీ20ల్లో అత్యధిక సెంచరీలు బాదిన ఆటగాడిగా ప్రపంచ రికార్డు నెలకొల్పుతాడు. టీ20ల్లో అత్యధిక శతకాల జాబితాలో సూర్యకుమార్‌ కంటే ముందు రోహిత్‌ శర్మ, గ్లెన్‌ మ్యాక్స్‌వెల్‌ ఉన్నారు. ఈ ఇద్దరు పొట్టి ఫార్మాట్‌లో చెరి ఐదు శతకాలు సాధించారు.

ఈ సిరీస్‌లోని అన్ని మ్యాచ్‌లు స్పోర్ట్స్ 18-1, స్పోర్ట్స్ 18-2 ఛానెళ్లలో ప్రత్యక్ష ప్రసారమవుతాయి. జియో సినిమా యాప్‌లో కూడా లైవ్ స్ట్రీమింగ్‌‌ను ఉచితంగా చూడవచ్చు.