ఏపీ వాసులకు శుభవార్త..ఎయిర్ పోర్టుల నిర్మాణానికి నిధులు విడుదల

ఆంధ్రప్రదేశ్ రాష్ట్రంలో కొత్తగా 6 ఎయిర్ పోర్టుల నిర్మాణానికి నిధులు విడుదల అయ్యాయి. ఫిజిబిలిటీ స్టడీ కోసంరూ.1.92 కోట్లు ప్రభుత్వం విడుదల చేసింది. కుప్పం, శ్రీకాకుళం, నాగార్జునసాగర్లో కొత్త ఎయిర్ పోర్టులు నిర్మించాలని రాష్ట్ర ప్రభుత్వం యోచిస్తోంది. కొత్త విమానాశ్రయాల ఏర్పాటుకు ప్రణాళికలు సిద్ధం చేస్తున్నారు. ఈ క్రమంలో ఏపీ రాష్ట్రంలో కొత్తగా ఆరు విమానాశ్రయాల నిర్మాణానికి కేంద్రానికి ప్రతిపాదనలు పంపారు. ఆరు ప్రాంతాల్లో విమానాశ్రయాల ఏర్పాటు సాధ్యాసాధ్యాలను పరిశీలించేందుకు సాధ్యాసాధ్యాల అధ్యయనం కోసం ఆంధ్రప్రదేశ్ ప్రభుత్వం రూ.1.92 కోట్లు విడుదల చేసింది.