పెద్ద కలలు కనడం నేరం సార్‌… హీరో సూర్య

సూర్య హీరోగా నటించిన సినిమా 'కంగువ'. ఈ సినిమాకి శివ దర్శకత్వం వహించారు. ఈ సినిమా నవంబర్ 14న థియేటర్లో విడుదల కానుంది. అయితే తెలుగు ప్రమోషన్స్‌లో భాగంగా అక్టోబర్ 24న హైదరాబాద్‌లో టీమ్ స్పెషల్ ఈవెంట్ నిర్వహించింది. ఈ కార్యక్రమంలో హీరో సూర్య, దర్శకుడు శివ, నిర్మాత జ్ఞానవేల్‌రాజా తదితరులు పాల్గొన్నారు.
కోలీవుడ్‌లో రూ.2000 కోట్లు రాబట్టిన తొలి చిత్రంగా 'కంగువ' నిలుస్తుందని నిర్మాత అన్నారు అని ఓ విలేకర్ సూర్యను ప్రశ్నించగా.. ‘పెద్ద కలలు కనడం నేరం సార్‌’ అని సూర్య బదులిచ్చారు. నేను మానిఫెస్టిన్ ని నమ్ముతాను సార్. అది జరుగుతుంది సార్. అందరూ సంతోషంగా ఉంటారు. మీరు చెప్పిన మొత్తం కలెక్ట్ చేయనివ్వండి సర్ అని సూర్య అన్నారు.
హీరో సూర్య మాట్లాడుతూ, "నా సినిమా థియేటర్లలో విడుదలై రెండేళ్లు అవుతుంది. అయితే, 'సూర్య సన్ ఆఫ్ కృష్ణ' రీ-రిలీజ్ సందర్భంగా తెలుగు ప్రేక్షకులు చూపిన ఆదరణ నన్ను కదిలించింది. వాళ్లు నాపై కురిపించిన ప్రేమకు కృతజ్ఞతలు, ప్రేక్షకులకు కంగువ లాంటి గొప్ప సినిమా తీశాను అని సూర్య తెలిపారు. ఈ సినిమాలో దిశా పటానీ కథానాయికగా నటిస్తోంది. యానిమల్‌ ఫేమ్‌ బాబీ డియోల్‌ విలన్‌గా నటిస్తున్నారు. అయితే ఈ సినిమాలో సూర్య సోదరుడు, తమిళ హీరో కార్తీ అతిథి పాత్రలో నటిస్తున్నట్లు సమాచారం. దాదాపు 350 కోట్ల రూపాయల బడ్జెట్‌తో ‘కంగువ’ సినిమా తెరకెక్కింది.