ఆ స్టార్ హీరోకి సారీ చెప్పిన డైరెక్టర్ ప్రశాంత్ నీల్.. కారణం అదేనా.. ?

ప్రశాంత్ నీల్ 'కేజీఎఫ్', 'సాలార్' సినిమాలతో పాన్ ఇండియా స్థాయిలో పేరు తెచ్చుకున్నారు. తాజాగా ఈ దర్శకుడు బాలీవుడ్ కింగ్ ఖాన్ షారుక్ ఖాన్‌కి క్షమాపణలు చెప్పాడు. దీనికి కారణం 'సాలార్', 'డంకీ' సినిమాల వివాదం. గతేడాది చివర్లో షారుఖ్ ఖాన్ సినిమా ‘డంకీ’, ప్రభాస్ ‘సాలార్’ ఒకేసారి విడుదలైన సంగతి తెలిసిందే. ఏడాది క్రితమే డేట్ ఫిక్స్ చేసుకున్న బాలీవుడ్ బాద్ షా ‘డంకీ’తో ప్రేక్షకుల ముందుకు వచ్చాడు. అదే సమయంలో ప్రశాంత్ నీల్ తన ‘సాలార్’ సినిమాను ఈ రేసులో హఠాత్తుగా రిలీజ్ చేశాడు. ఈ రెండు సినిమాలు ఒకేసారి విడుదలవడంతో బాక్సాఫీస్ వద్ద 'డంకీ' సినిమాకు కలెక్షన్స్ పరంగా 'స‌లార్' వ‌ల్ల‌ చాలా పెద్ద దెబ్బ ప‌డింది. అయితే తాజాగా ఈ వివాదంపై ప్రశాంత్ నీల్ స్పందించాడు. ‘డంకీ’ విడుదల సమయంలో ‘సాలార్’ తీసుకొచ్చి తప్పు చేశామన్నారు. ఈ విషయంలో హీరో షారుక్ ఖాన్, దర్శకుడు రాజ్ కుమార్ హిరానీకి క్షమాపణలు చెప్పారు.