సీఎం రేవంత్ రెడ్డి గాడ్సే శిష్యుడు..! కేటీఆర్ సంచలన వ్యాఖ్యలు

రాజకీయాల్లో హత్యలుండవు అని ఆత్మహత్యలే ఉంటాయని బిఆర్ఎస్ పార్టీ ప్రెసిడెంట్ కేటీఆర్ సంచలన వ్యాఖ్యలు చేసారు. రాజేంద్రనగర్ ఎమ్మెల్యే ప్రకాష్ గౌడ్ కూడా పార్టీ ఫిరాయించి రాజకీయంగా ఆత్మహత్య చేసుకున్నాడు అని కేటీఆర్ తెలిపారు. మూసీమే లూటో.. ఢిల్లీకో బాటో..అంటూ సీఎం రేవంత్ రెడ్డిపై కేటీఆర్ విరుచుకుపడ్డారు. రేవంత్ రెడ్డి సీఎం కుర్చీ ఉండాలంటే ఢిల్లీకి మూటలు పంపాలి.. మూసీలో డబ్బులు లూటీ చేసి, బ్యాగులు ఢిల్లీకి పంపుతున్నాడు అని కేటీఆర్ ఆరోపించారు. సీఎం రేవంత్ రెడ్డి గాడ్సే శిష్యుడు అని కేటీఆర్ వ్యాఖ్యానించారు. ప్రపంచంలోనే అతి పెద్ద గాంధీ విగ్రహం పెడుతాడంట సీఎం రేవంత్ రెడ్డి అని కేటీఆర్ అన్నారు. మహాత్మ గాంధీ మనవడు ఏమో విగ్రహం వద్దు.. ఆ డబ్బుతో పేదలకు మంచి చేయండి అంటే.. ఈ గాడ్సే శిష్యుడు ఏమో విగ్రహం పెడుతాడంట అంటూ కేటీఆర్ ఆరోపించారు.