'స్పిరిట్' మూవీలో ప్రభాస్ పాత్రపై అదిరిపోయే అప్డేట్
'అర్జున్ రెడ్డి', 'కబీర్ సింగ్' మరియు 'యానిమల్' వంటి సూపర్ హిట్ సినిమాలు తీసిన దర్శకుడు సందీప్ వంగా… ప్రస్తుతం ప్రభాస్ హీరోగా 'స్పిరిట్' అనే యాక్షన్-ప్యాక్డ్ థ్రిల్లర్‌ సినిమా తీస్తున్నాడు. 'స్పిరిట్'లో క్రూరమైన పోలీసుగా కనిపించనున్న ప్రభాస్.. కండలు తిరిగిన రూపాన్ని సాధించడానికి కఠినమైన శిక్షణ తీసుకుంటున్నట్లు సమాచారం. ఈ సినిమాలో యానిమల్ కంటే ఎక్కువ యాక్షన్ డోస్ ఉంటుందని వంగా ధృవీకరించారు. కానీ ఈ సినిమాలో ప్రభాస్ డ్యూయల్ రోల్ చేస్తున్నాడు అనే పుకార్లు వస్తున్నాయి. ప్రభాస్ గతంలో బాహుబలి ఫ్రాంచైజీలో ద్విపాత్రాభినయం చేసినప్పటికీ, ఈ రెండు పాత్రలు తెరపై ఎప్పుడూ కలిసి కనిపించలేదు. 'స్పిరిట్'లో ప్రభాస్ రెండు పాత్రలను ఒకసారి చూసే అవకాశం ప్రేక్షకులకు లభిస్తుంది అని వార్తలు వస్తున్నాయి. ఈ సినిమాలో రణబీర్ కపూర్ మరియు విజయ్ దేవరకొండల ప్రత్యేక అతిధి పాత్రల నటిస్తారు అనే వార్తలు ప్రచారంలో ఉన్నాయి,అయినప్పటికీ ఇవి అధికారికంగా ధృవీకరించబడలేదు.