ఒక వీడియో.. ట్రోలర్స్‌కి ఇచ్చిపడిసేన రౌడీ స్టార్ విజయ్ దేవరకొండ
టాలీవుడ్ స్టార్ హీరో విజయ్ దేవరకొండ యూత్ లో మంచి క్రేజ్ సంపాదించి స్టార్ హీరోగా ఎదిగాడు. తన సినిమాలతో, స్పీచ్ లతో జనాలని ఆకట్టుకున్నాడు. అయితే ఈ హీరో తన సినీ ప్రస్థానంలో సక్సెస్ కంటే ఫెయిల్యూర్‌నే ఎక్కువగా చూశాడు. తనపై సోషల్ మీడియాలో కూడా ట్రోల్స్ జరుగుతుంటాయి. ఈ నేపథ్యంలో రౌడీ హీరో రెండు రోజుల క్రితం విజయ్ తన ప్రైవేట్ ఆల్బమ్ "సాహిబా" ప్రమోషన్ కోసం ముంబై వెళ్ళాడు. ఇందులో భాగంగా కార్యక్రమానికి వెళుతుండగా జారి మెట్లపై నుంచి కింద పడిపోయిండు. దీనికి సంబంధించిన వీడియో సోషల్ మీడియాలో వైరల్‌గా మారింది. కొందరు ట్రోల్ కూడా చేశారు. తాజాగా విజయ్ దేవరకొండ ఆ వీడియోను షేర్ చేసి ట్రోలర్లకు ఇచ్చిపడేసాడు.
విజయ్ దేవరకొండ కి క్లాత్ బిజినెస్ ఉన్న సంగతి తెలిసిందే. జారిపడ్డ వీడియోకు, ఇంకో వీడియోను జత చేసి.. ఏకంగా తన బ్రాండ్‌ దుస్తుల షాప్‌ ప్రమోషన్ కోసం ఉపయోగించాడు. తాజాగా తన సోషల్ మీడియాలో ఈ వీడియోని షేర్ చేశాడు. 'నేను, నా రౌడీ బాయ్స్, గర్ల్స్ ఎప్పుడు ప్రేమలో పడుతూనే ఉంటాం. తప్పకుండా మీరు కూడా రౌడీ వేర్‌తో ప్రేమలో పడతారు' అని క్యాప్షన్ ఇచ్చాడు. ఇలా విజయ్ తాను పడిపోయిన వీడియోని తన వ్యాపారానికి పనికొచ్చేలా ఉపయోగించడంతో అట్టు అభిమానులు, జనాలు విజయ్ మార్కెటింగ్ విధానం చూసి మెచ్చుకుంటున్నారు. విజయ్ దేవరకొండ ప్రస్తుతం గౌతమ్ తననూరి దర్శకత్వంలో విజయ్ దేవరకొండ ఒక సినిమా చేస్తున్నాడు.