జూబ్లీహిల్స్ లోని రెస్టారెంట్లో భారీ పేలుడు.. బ్లాస్టింగ్‎కు కారణమిదేనా..?

జూబ్లీహిల్స్ రోడ్ నెంబర్-1 లో భారీ పేలుడు సంభవించింది. తెలంగాణ స్పైసీ కిచెన్ రెస్టారెంట్లో ఫ్రిజ్ కంప్రెషర్ పేలింది. దీని ధాటికి ప్రహరీ గోడ ధ్వంసమైంది. రాళ్లు ఎగిరి 100 మీటర్ల దూరంలోని దుర్గాభవానీ నగర్ బస్తీలో పడ్డాయి. నాలుగు గుడిసెలు ధ్వంసమయ్యాయి. బస్తీలోని ఓ మహిళకు స్వల్ప గాయాలయ్యాయి. మరోవైపు హోటల్ నిర్వాహకులు మీడియాను లోపలికి అనుమతించడం లేదు. దీంతో ఈ వ్యవహారంపై పలు అనుమానాలు వ్యక్తం అవుతున్నాయి. తెలంగాణ స్పైసీ కిచెన్ రెస్టారెంట్‎లో జరిగిన పేలుడుకి కిచెన్‎లోని ఫ్రిజ్ కంప్రెషర్ పేలడమే కారణంగా పోలీసులు ప్రాథమికంగా గుర్తించారు. ఈ ఘటనపై పోలీసులు సీరియస్‌గా దర్యాప్తు చేస్తున్నారు. పోలీసుల విచారణ అనంతరం తెలంగాణ స్పైసీ కిచెన్‌లో జరిగిన బ్లాస్టింగ్ వెనుక అసలు కారణం వెల్లడవుతుంది. ప్రమాదవశాత్తు అగ్నిప్రమాదం జరిగిందా? లేక పేలుడుకు మరేదైనా కారణం ఉందా..? అది బయటకు రానుంది.