ఆ వివాదంలో డైరెక్టర్ ఆర్జీవీపై కేసు నమోదు..!

వివాదాల దర్శకుడు రామ్ గోపాల్ వర్మపై పోలీస్ మద్దిపాడు పీఎస్ లో కేసు నమోదైంది. ఆర్జీవీ 'వ్యూహం' అనే సినిమాని రూపొందించిన సంగ‌తి తెలిసిందే.. ఆంధ్రపదేశ్ రాష్ట్ర రాజ‌కీయాల నేప‌థ్యంలో ఆర్జీవీ ఈ సినిమాని రూపొందించారు. సోషల్ మీడియాలో సినిమాని ప్రమోట్ చేస్తూ రకరకాల పోస్ట్ లు, కామెంట్స్ ని షేర్ చేస్తున్నాడు. తాజాగా ఆర్జీవీ సోమికల్ మీడియా అకౌంట్ లో 'వ్యూహం' సినిమా పోస్టర్లు పోస్ట్‌ చేసి ఏపీ సీఎం చంద్రబాబు, డిప్యూటీ సీఎం పవన్ కళ్యాణ్, మంత్రి లోకేష్‌పై అనుచిత వ్యాఖ్యలు చేశారని తెలుగుదేశం పార్టీ మండల ప్రధాన కార్యదర్శి రామలింగం పోలీసులకు ఫిర్యాదు చేశారు. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.